Proverbs 7:6–13

⁶De fenestra enim domus meæ

per cancellos prospexi,

⁷et video parvulos;

considero vecordem juvenem,

⁸qui transit per plateam juxta angulum

et prope viam domus illius graditur:

⁹in obscuro, advesperascente die,

in noctis tenebris et caligine.

¹⁰Et ecce occurrit illi mulier ornatu meretricio,

præparata ad capiendas animas:

garrula et vaga,

¹¹quietis impatiens,

nec valens in domo consistere pedibus suis;

¹²nunc foris, nunc in plateis,

nunc juxta angulos insidians.

¹³Apprehensumque deosculatur juvenem,

et procaci vultu blanditur, dicens: