⁴⁷Primus homo de terra, terrenus: secundus homo de cælo, cælestis. ⁴⁸Qualis terrenus, tales et terreni: et qualis cælestis, tales et cælestes. ⁴⁹Igitur, sicut portavimus imaginem terreni, portemus et imaginem cælestis.

⁵⁰Hoc autem dico, fratres: quia caro et sanguis regnum Dei possidere non possunt: neque corruptio incorruptelam possidebit. ⁵¹Ecce mysterium vobis dico: omnes quidem resurgemus, sed non omnes immutabimur. ⁵²In momento, in ictu oculi, in novissima tuba: canet enim tuba, et mortui resurgent incorrupti: et nos immutabimur. ⁵³Oportet enim corruptibile hoc induere incorruptionem: et mortale hoc induere immortalitatem. ⁵⁴Cum autem mortale hoc induerit immortalitatem, tunc fiet sermo, qui scriptus est: Absorpta est mors in victoria. ⁵⁵Ubi est mors victoria tua? ubi est mors stimulus tuus? ⁵⁶Stimulus autem mortis peccatum est: virtus vero peccati lex. ⁵⁷Deo autem gratias, qui dedit nobis victoriam per Dominum nostrum Jesum Christum.

Read in Logos

1 Corinthians 15:55–57: “O death, where is your victory? O death, where is your sting?” The sting of death is sin, and the power of sin is the law. But thanks be to God, who gives us the victory through our Lord Jesus Christ.

Public Domain