Psalm 89:13–17

¹³Convertere, Domine; usquequo?

et deprecabilis esto super servos tuos.

¹⁴Repleti sumus mane misericordia tua;

et exsultavimus, et delectati sumus omnibus diebus nostris.

¹⁵Lætati sumus pro diebus quibus nos humiliasti;

annis quibus vidimus mala.

¹⁶Respice in servos tuos et in opera tua,

et dirige filios eorum.

¹⁷Et sit splendor Domini Dei nostri super nos,

et opera manuum nostrarum dirige super nos,

et opus manuum nostrarum dirige.