Proverbs 3:28–34

²⁸Ne dicas amico tuo: Vade, et revertere: cras dabo tibi:

cum statim possis dare.

²⁹Ne moliaris amico tuo malum,

cum ille in te habeat fiduciam.

³⁰Ne contendas adversus hominem frustra,

cum ipse tibi nihil mali fecerit.

³¹Ne æmuleris hominem injustum,

nec imiteris vias ejus:

³²quia abominatio Domini est omnis illusor,

et cum simplicibus sermocinatio ejus.

³³Egestas a Domino in domo impii;

habitacula autem justorum benedicentur.

³⁴Ipse deludet illusores,

et mansuetis dabit gratiam.