Proverbs 2:1–6

¹Fili mi, si susceperis sermones meos,

et mandata mea absconderis penes te:

²ut audiat sapientiam auris tua,

inclina cor tuum ad cognoscendam prudentiam.

³Si enim sapientiam invocaveris,

et inclinaveris cor tuum prudentiæ;

⁴si quæsieris eam quasi pecuniam,

et sicut thesauros effoderis illam:

⁵tunc intelliges timorem Domini,

et scientiam Dei invenies,

⁶quia Dominus dat sapientiam,

et ex ore ejus prudentia et scientia.