Hosea 2:16–20

¹⁶Et erit in die illa, ait Dominus:

vocabit me, Vir meus,

et non vocabit me ultra Baali.

¹⁷Et auferam nomina Baalim de ore ejus,

et non recordabitur ultra nominis eorum.

¹⁸Et percutiam cum eis fœdus in die illa, cum bestia agri,

et cum volucre cæli, et cum reptili terræ;

et arcum, et gladium, et bellum conteram de terra,

et dormire eos faciam fiducialiter.

¹⁹Et sponsabo te mihi in sempiternum;

et sponsabo te mihi in justitia, et judicio,

et in misericordia, et in miserationibus.

²⁰Et sponsabo te mihi in fide;

et scies quia ego Dominus.