Psalm 88:2–9

²Misericordias Domini in æternum cantabo;

in generationem et generationem annuntiabo veritatem tuam in ore meo.

³Quoniam dixisti: In æternum misericordia ædificabitur in cælis;

præparabitur veritas tua in eis.

⁴Disposui testamentum electis meis;

juravi David servo meo:

⁵Usque in æternum præparabo semen tuum,

et ædificabo in generationem et generationem sedem tuam.

⁶Confitebuntur cæli mirabilia tua, Domine;

etenim veritatem tuam in ecclesia sanctorum.

⁷Quoniam quis in nubibus æquabitur Domino;

similis erit Deo in filiis Dei?

⁸Deus, qui glorificatur in consilio sanctorum,

magnus et terribilis super omnes qui in circuitu ejus sunt.

⁹Domine Deus virtutum, quis similis tibi?

potens es, Domine, et veritas tua in circuitu tuo.