Psalm 77:7–12

⁷ut ponant in Deo spem suam,

et non obliviscantur operum Dei,

et mandata ejus exquirant:

⁸ne fiant, sicut patres eorum,

generatio prava et exasperans;

generatio quæ non direxit cor suum,

et non est creditus cum Deo spiritus ejus.

⁹Filii Ephrem, intendentes et mittentes arcum,

conversi sunt in die belli.

¹⁰Non custodierunt testamentum Dei,

et in lege ejus noluerunt ambulare.

¹¹Et obliti sunt benefactorum ejus,

et mirabilium ejus quæ ostendit eis.

¹²Coram patribus eorum fecit mirabilia

in terra Ægypti, in campo Taneos.