Psalm 45:2–6

²Deus noster refugium et virtus;

adjutor in tribulationibus quæ invenerunt nos nimis.

³Propterea non timebimus dum turbabitur terra,

et transferentur montes in cor maris.

⁴Sonuerunt, et turbatæ sunt aquæ eorum;

conturbati sunt montes in fortitudine ejus.

⁵Fluminis impetus lætificat civitatem Dei:

sanctificavit tabernaculum suum Altissimus.

⁶Deus in medio ejus, non commovebitur;

adjuvabit eam Deus mane diluculo.