Psalm 118:169–176

¹⁶⁹Appropinquet deprecatio mea in conspectu tuo, Domine;

juxta eloquium tuum da mihi intellectum.

¹⁷⁰Intret postulatio mea in conspectu tuo;

secundum eloquium tuum eripe me.

¹⁷¹Eructabunt labia mea hymnum,

cum docueris me justificationes tuas.

¹⁷²Pronuntiabit lingua mea eloquium tuum,

quia omnia mandata tua æquitas.

¹⁷³Fiat manus tua ut salvet me,

quoniam mandata tua elegi.

¹⁷⁴Concupivi salutare tuum, Domine,

et lex tua meditatio mea est.

¹⁷⁵Vivet anima mea, et laudabit te,

et judicia tua adjuvabunt me.

¹⁷⁶Erravi sicut ovis quæ periit: quære servum tuum,

quia mandata tua non sum oblitus.