Psalm 103:1–5

¹Ipsi David.

Benedic, anima mea, Domino:

Domine Deus meus, magnificatus es vehementer.

Confessionem et decorem induisti,

²amictus lumine sicut vestimento.

Extendens cælum sicut pellem,

³qui tegis aquis superiora ejus:

qui ponis nubem ascensum tuum;

qui ambulas super pennas ventorum:

⁴qui facis angelos tuos spiritus,

et ministros tuos ignem urentem.

⁵Qui fundasti terram super stabilitatem suam:

non inclinabitur in sæculum sæculi.