Proverbs 9:13–18

¹³Mulier stulta et clamosa,

plenaque illecebris, et nihil omnino sciens,

¹⁴sedit in foribus domus suæ,

super sellam in excelso urbis loco,

¹⁵ut vocaret transeuntes per viam,

et pergentes itinere suo:

¹⁶Qui est parvulus declinet ad me.

Et vecordi locuta est:

¹⁷Aquæ furtivæ dulciores sunt,

et panis absconditus suavior.

¹⁸Et ignoravit quod ibi sint gigantes,

et in profundis inferni convivæ ejus.