Proverbs 5:9–14

⁹Ne des alienis honorem tuum,

et annos tuos crudeli:

¹⁰ne forte impleantur extranei viribus tuis,

et labores tui sint in domo aliena,

¹¹et gemas in novissimis,

quando consumpseris carnes tuas et corpus tuum,

et dicas: ¹²Cur detestatus sum disciplinam,

et increpationibus non acquievit cor meum,

¹³nec audivi vocem docentium me,

et magistris non inclinavi aurem meam?

¹⁴pene fui in omni malo,

in medio ecclesiæ et synagogæ.