³⁶Tunc venit Jesus cum illis in villam, quæ dicitur Gethsemani, et dixit discipulis suis: Sedete hic donec vadam illuc, et orem. ³⁷Et assumpto Petro, et duobus filiis Zebedæi, cœpit contristari et mœstus esse. ³⁸Tunc ait illis: Tristis est anima mea usque ad mortem: sustinete hic, et vigilate mecum. ³⁹Et progressus pusillum, procidit in faciem suam, orans, et dicens: Pater mi, si possibile est, transeat a me calix iste: verumtamen non sicut ego volo, sed sicut tu. ⁴⁰Et venit ad discipulos suos, et invenit eos dormientes, et dicit Petro: Sic non potuistis una hora vigilare mecum? ⁴¹Vigilate, et orate ut non intretis in tentationem. Spiritus quidem promptus est, caro autem infirma. ⁴²Iterum secundo abiit, et oravit, dicens: Pater mi, si non potest hic calix transire nisi bibam illum, fiat voluntas tua. ⁴³Et venit iterum, et invenit eos dormientes: erant enim oculi eorum gravati. ⁴⁴Et relictis illis, iterum abiit, et oravit tertio, eumdem sermonem dicens. ⁴⁵Tunc venit ad discipulos suos, et dicit illis: Dormite jam, et requiescite: ecce appropinquavit hora, et Filius hominis tradetur in manus peccatorum. ⁴⁶Surgite, eamus: ecce appropinquavit qui me tradet.

Read in Logos

Matthew 26:39: And going a little farther he fell on his face and prayed, saying, “My Father, if it be possible, let this cup pass from me; nevertheless, not as I will, but as you will.”

Public Domain