³⁴Nolite arbitrari quia pacem venerim mittere in terram: non veni pacem mittere, sed gladium: ³⁵veni enim separare hominem adversus patrem suum, et filiam adversus matrem suam, et nurum adversus socrum suam: ³⁶et inimici hominis, domestici ejus. ³⁷Qui amat patrem aut matrem plus quam me, non est me dignus: et qui amat filium aut filiam super me, non est me dignus. ³⁸Et qui non accipit crucem suam, et sequitur me, non est me dignus. ³⁹Qui invenit animam suam, perdet illam: et qui perdiderit animam suam propter me, inveniet eam. ⁴⁰Qui recipit vos, me recipit: et qui me recipit, recipit eum qui me misit. ⁴¹Qui recipit prophetam in nomine prophetæ, mercedem prophetæ accipiet: et qui recipit justum in nomine justi, mercedem justi accipiet. ⁴²Et quicumque potum dederit uni ex minimis istis calicem aquæ frigidæ tantum in nomine discipuli: amen dico vobis, non perdet mercedem suam.

Read in Logos

Matthew 10:42: “And whoever gives one of these little ones even a cup of cold water because he is a disciple, truly, I say to you, he will by no means lose his reward.”

Public Domain