¹Et præteriens Jesus vidit hominem cæcum a nativitate: ²et interrogaverunt eum discipuli ejus: Rabbi, quis peccavit, hic, aut parentes ejus, ut cæcus nasceretur? ³Respondit Jesus: Neque hic peccavit, neque parentes ejus: sed ut manifestentur opera Dei in illo. ⁴Me oportet operari opera ejus qui misit me, donec dies est: venit nox, quando nemo potest operari: ⁵quamdiu sum in mundo, lux sum mundi. ⁶Hæc cum dixisset, exspuit in terram, et fecit lutum ex sputo, et linivit lutum super oculos ejus, ⁷et dixit ei: Vade, lava in natatoria Siloë (quod interpretatur Missus). Abiit ergo, et lavit, et venit videns. ⁸Itaque vicini, et qui viderant eum prius quia mendicus erat, dicebant: Nonne hic est qui sedebat, et mendicabat? Alii dicebant: Quia hic est. ⁹Alii autem: Nequaquam, sed similis est ei. Ille vero dicebat: Quia ego sum. ¹⁰Dicebant ergo ei: Quomodo aperti sunt tibi oculi? ¹¹Respondit: Ille homo qui dicitur Jesus, lutum fecit: et unxit oculos meos, et dixit mihi: Vade ad natatoria Siloë, et lava. Et abii, et lavi, et video. ¹²Et dixerunt ei: Ubi est ille? Ait: Nescio.

Read in Logos

John 9:3: Jesus answered, “It was not that this man sinned, or his parents, but that the works of God might be displayed in him.

Public Domain