Job 40:2–9

²Accinge sicut vir lumbos tuos:

interrogabo te, et indica mihi.

³Numquid irritum facies judicium meum,

et condemnabis me, ut tu justificeris?

⁴Et si habes brachium sicut Deus?

et si voce simili tonas?

⁵Circumda tibi decorem, et in sublime erigere,

et esto gloriosus, et speciosis induere vestibus.

⁶Disperge superbos in furore tuo,

et respiciens omnem arrogantem humilia.

⁷Respice cunctos superbos, et confunde eos,

et contere impios in loco suo.

⁸Absconde eos in pulvere simul,

et facies eorum demerge in foveam.

⁹Et ego confitebor

quod salvare te possit dextera tua.