Job 27:17–22

¹⁷præparabit quidem, sed justus vestietur illis,

et argentum innocens dividet.

¹⁸Ædificavit sicut tinea domum suam,

et sicut custos fecit umbraculum.

¹⁹Dives, cum dormierit, nihil secum auferet:

aperiet oculos suos, et nihil inveniet.

²⁰Apprehendet eum quasi aqua inopia:

nocte opprimet eum tempestas.

²¹Tollet eum ventus urens, et auferet,

et velut turbo rapiet eum de loco suo.

²²Et mittet super eum, et non parcet:

de manu ejus fugiens fugiet.