Job 19:7–12

⁷Ecce clamabo, vim patiens, et nemo audiet;

vociferabor, et non est qui judicet.

⁸Semitam meam circumsepsit, et transire non possum:

et in calle meo tenebras posuit.

⁹Spoliavit me gloria mea,

et abstulit coronam de capite meo.

¹⁰Destruxit me undique, et pereo:

et quasi evulsæ arbori abstulit spem meam.

¹¹Iratus est contra me furor ejus,

et sic me habuit quasi hostem suum.

¹²Simul venerunt latrones ejus,

et fecerunt sibi viam per me,

et obsederunt in gyro tabernaculum meum.