⁴Unum corpus, et unus Spiritus, sicut vocati estis in una spe vocationis vestræ. ⁵Unus Dominus, una fides, unum baptisma. ⁶Unus Deus et Pater omnium, qui est super omnes, et per omnia, et in omnibus nobis.

⁷Unicuique autem nostrum data est gratia secundum mensuram donationis Christi. ⁸Propter quod dicit: Ascendens in altum, captivam duxit captivitatem: dedit dona hominibus. ⁹Quod autem ascendit, quid est, nisi quia et descendit primum in inferiores partes terræ? ¹⁰Qui descendit, ipse est et qui ascendit super omnes cælos, ut impleret omnia. ¹¹Et ipse dedit quosdam quidem apostolos, quosdam autem prophetas, alios vero evangelistas, alios autem pastores et doctores, ¹²ad consummationem sanctorum in opus ministerii, in ædificationem corporis Christi: ¹³donec occurramus omnes in unitatem fidei, et agnitionis Filii Dei, in virum perfectum, in mensuram ætatis plenitudinis Christi: ¹⁴ut jam non simus parvuli fluctuantes, et circumferamur omni vento doctrinæ in nequitia hominum, in astutia ad circumventionem erroris. ¹⁵Veritatem autem facientes in caritate, crescamus in illo per omnia, qui est caput Christus: ¹⁶ex quo totum corpus compactum et connexum per omnem juncturam subministrationis, secundum operationem in mensuram uniuscujusque membri, augmentum corporis facit in ædificationem sui in caritate.

Read in Logos

Ephesians 4:13: … until we all attain to the unity of the faith and of the knowledge of the Son of God, to mature manhood, to the measure of the stature of the fullness of Christ …

Public Domain