Ecclesiastes 10:10–15

¹⁰Si retusum fuerit ferrum,

et hoc non ut prius, sed hebetatum fuerit,

multo labore exacuetur,

et post industriam sequetur sapientia.

¹¹Si mordeat serpens in silentio,

nihil eo minus habet qui occulte detrahit.

¹²Verba oris sapientis gratia,

et labia insipientis præcipitabunt eum;

¹³initium verborum ejus stultitia,

et novissimum oris illius error pessimus.

¹⁴Stultus verba multiplicat.

Ignorat homo quid ante se fuerit;

et quid post se futurum sit, quis ei poterit indicare?

¹⁵Labor stultorum affliget eos,

qui nesciunt in urbem pergere.