Jeremiah 2:4–8

DARBY

ARA

ASV

ABSVD

CSB

VGCLEM

D-R

ELB 1905

Clementine Vulgate

4 Audite verbum Domini, domus Jacob,

et omnes cognationes domus Israël.

5 Hæc dicit Dominus:

Quid invenerunt patres vestri in me iniquitatis,

quia elongaverunt a me,

et ambulaverunt post vanitatem,

et vani facti sunt?

6 Et non dixerunt: Ubi est Dominus

qui ascendere nos fecit de terra Ægypti;

qui traduxit nos per desertum,

per terram inhabitabilem et inviam,

per terram sitis, et imaginem mortis,

per terram in qua non ambulavit vir,

neque habitavit homo?

7 Et induxi vos in terram Carmeli,

ut comederetis fructum ejus et optima illius:

et ingressi contaminastis terram meam,

et hæreditatem meam posuistis in abominationem.

8 Sacerdotes non dixerunt: Ubi est Dominus?

et tenentes legem nescierunt me,

et pastores prævaricati sunt in me,

et prophetæ prophetaverunt in Baal,

et idola secuti sunt.