¹Fratres, voluntas quidem cordis mei, et obsecratio ad Deum, fit pro illis in salutem. ²Testimonium enim perhibeo illis quod æmulationem Dei habent, sed non secundum scientiam. ³Ignorantes enim justitiam Dei, et suam quærentes statuere, justitiæ Dei non sunt subjecti. ⁴Finis enim legis, Christus, ad justitiam omni credenti.

⁵Moyses enim scripsit, quoniam justitiam, quæ ex lege est, qui fecerit homo, vivet in ea. ⁶Quæ autem ex fide est justitia, sic dicit: Ne dixeris in corde tuo: Quis ascendet in cælum? id est, Christum deducere: ⁷aut, Quis descendet in abyssum? hoc est, Christum a mortuis revocare. ⁸Sed quid dicit Scriptura? Prope est verbum in ore tuo, et in corde tuo: hoc est verbum fidei, quod prædicamus. ⁹Quia si confitearis in ore tuo Dominum Jesum, et in corde tuo credideris quod Deus illum suscitavit a mortuis, salvus eris. ¹⁰Corde enim creditur ad justitiam: ore autem confessio fit ad salutem. ¹¹Dicit enim Scriptura: Omnis qui credit in illum, non confundetur. ¹²Non enim est distinctio Judæi et Græci: nam idem Dominus omnium, dives in omnes qui invocant illum. ¹³Omnis enim quicumque invocaverit nomen Domini, salvus erit.

Read in Logos

Romans 10:9: because, if you confess with your mouth that Jesus is Lord and believe in your heart that God raised him from the dead, you will be saved.

Public Domain