Psalm 84:9–14

⁹Audiam quid loquatur in me Dominus Deus,

quoniam loquetur pacem in plebem suam,

et super sanctos suos,

et in eos qui convertuntur ad cor.

¹⁰Verumtamen prope timentes eum salutare ipsius,

ut inhabitet gloria in terra nostra.

¹¹Misericordia et veritas obviaverunt sibi;

justitia et pax osculatæ sunt.

¹²Veritas de terra orta est,

et justitia de cælo prospexit.

¹³Etenim Dominus dabit benignitatem,

et terra nostra dabit fructum suum.

¹⁴Justitia ante eum ambulabit,

et ponet in via gressus suos.