Psalm 84:2–10

²Benedixisti, Domine, terram tuam;

avertisti captivitatem Jacob.

³Remisisti iniquitatem plebis tuæ;

operuisti omnia peccata eorum.

⁴Mitigasti omnem iram tuam;

avertisti ab ira indignationis tuæ.

⁵Converte nos, Deus salutaris noster,

et averte iram tuam a nobis.

⁶Numquid in æternum irasceris nobis?

aut extendes iram tuam a generatione in generationem?

⁷Deus, tu conversus vivificabis nos,

et plebs tua lætabitur in te.

⁸Ostende nobis, Domine, misericordiam tuam,

et salutare tuum da nobis.

⁹Audiam quid loquatur in me Dominus Deus,

quoniam loquetur pacem in plebem suam,

et super sanctos suos,

et in eos qui convertuntur ad cor.

¹⁰Verumtamen prope timentes eum salutare ipsius,

ut inhabitet gloria in terra nostra.