Psalm 44:3–8

³Speciosus forma præ filiis hominum,

diffusa est gratia in labiis tuis:

propterea benedixit te Deus in æternum.

⁴Accingere gladio tuo super femur tuum, potentissime.

⁵Specie tua et pulchritudine tua

intende, prospere procede, et regna,

propter veritatem, et mansuetudinem, et justitiam;

et deducet te mirabiliter dextera tua.

⁶Sagittæ tuæ acutæ:

populi sub te cadent,

in corda inimicorum regis.

⁷Sedes tua, Deus, in sæculum sæculi;

virga directionis virga regni tui.

⁸Dilexisti justitiam, et odisti iniquitatem;

propterea unxit te Deus, Deus tuus,

oleo lætitiæ, præ consortibus tuis.