Psalm 21:14–19

¹⁴Aperuerunt super me os suum,

sicut leo rapiens et rugiens.

¹⁵Sicut aqua effusus sum,

et dispersa sunt omnia ossa mea:

factum est cor meum tamquam cera liquescens in medio ventris mei.

¹⁶Aruit tamquam testa virtus mea,

et lingua mea adhæsit faucibus meis:

et in pulverem mortis deduxisti me.

¹⁷Quoniam circumdederunt me canes multi;

concilium malignantium obsedit me.

Foderunt manus meas et pedes meos;

¹⁸dinumeraverunt omnia ossa mea.

Ipsi vero consideraverunt et inspexerunt me.

¹⁹Diviserunt sibi vestimenta mea,

et super vestem meam miserunt sortem.