Psalm 118:137–144

¹³⁷Justus es, Domine,

et rectum judicium tuum.

¹³⁸Mandasti justitiam testimonia tua,

et veritatem tuam nimis.

¹³⁹Tabescere me fecit zelus meus,

quia obliti sunt verba tua inimici mei.

¹⁴⁰Ignitum eloquium tuum vehementer,

et servus tuus dilexit illud.

¹⁴¹Adolescentulus sum ego et contemptus;

justificationes tuas non sum oblitus.

¹⁴²Justitia tua, justitia in æternum,

et lex tua veritas.

¹⁴³Tribulatio et angustia invenerunt me;

mandata tua meditatio mea est.

¹⁴⁴Æquitas testimonia tua in æternum:

intellectum da mihi, et vivam.