Psalm 106:23–28

²³Qui descendunt mare in navibus,

facientes operationem in aquis multis:

²⁴ipsi viderunt opera Domini,

et mirabilia ejus in profundo.

²⁵Dixit, et stetit spiritus procellæ,

et exaltati sunt fluctus ejus.

²⁶Ascendunt usque ad cælos, et descendunt usque ad abyssos;

anima eorum in malis tabescebat.

²⁷Turbati sunt, et moti sunt sicut ebrius,

et omnis sapientia eorum devorata est.

²⁸Et clamaverunt ad Dominum cum tribularentur;

et de necessitatibus eorum eduxit eos.