Psalm 105:34–39

³⁴Non disperdiderunt gentes

quas dixit Dominus illis:

³⁵et commisti sunt inter gentes,

et didicerunt opera eorum;

³⁶et servierunt sculptilibus eorum,

et factum est illis in scandalum.

³⁷Et immolaverunt filios suos et filias suas dæmoniis.

³⁸Et effuderunt sanguinem innocentem,

sanguinem filiorum suorum et filiarum suarum,

quas sacrificaverunt sculptilibus Chanaan.

Et infecta est terra in sanguinibus,

³⁹et contaminata est in operibus eorum:

et fornicati sunt in adinventionibus suis.