Psalm 105:19–23

¹⁹Et fecerunt vitulum in Horeb,

et adoraverunt sculptile.

²⁰Et mutaverunt gloriam suam

in similitudinem vituli comedentis fœnum.

²¹Obliti sunt Deum qui salvavit eos;

qui fecit magnalia in Ægypto,

²²mirabilia in terra Cham,

terribilia in mari Rubro.

²³Et dixit ut disperderet eos,

si non Moyses, electus ejus,

stetisset in confractione in conspectu ejus,

ut averteret iram ejus, ne disperderet eos.