Psalm 104:28–37

²⁸Misit tenebras, et obscuravit;

et non exacerbavit sermones suos.

²⁹Convertit aquas eorum in sanguinem,

et occidit pisces eorum.

³⁰Edidit terra eorum ranas

in penetralibus regum ipsorum.

³¹Dixit, et venit cœnomyia et ciniphes

in omnibus finibus eorum.

³²Posuit pluvias eorum grandinem:

ignem comburentem in terra ipsorum.

³³Et percussit vineas eorum, et ficulneas eorum,

et contrivit lignum finium eorum.

³⁴Dixit, et venit locusta,

et bruchus cujus non erat numerus:

³⁵et comedit omne fœnum in terra eorum,

et comedit omnem fructum terræ eorum.

³⁶Et percussit omne primogenitum in terra eorum,

primitias omnis laboris eorum.

³⁷Et eduxit eos cum argento et auro,

et non erat in tribubus eorum infirmus.