Proverbs 5:18–23

¹⁸Sit vena tua benedicta,

et lætare cum muliere adolescentiæ tuæ.

¹⁹Cerva carissima, et gratissimus hinnulus:

ubera ejus inebrient te in omni tempore;

in amore ejus delectare jugiter.

²⁰Quare seduceris, fili mi, ab aliena,

et foveris in sinu alterius?

²¹Respicit Dominus vias hominis,

et omnes gressus ejus considerat.

²²Iniquitates suae capiunt impium,

et funibus peccatorum suorum constringitur.

²³Ipse morietur, quia non habuit disciplinam,

et in multitudine stultitiæ suæ decipietur.