Proverbs 3:13–18

¹³Beatus homo qui invenit sapientiam,

et qui affluit prudentia.

¹⁴Melior est acquisitio ejus negotiatione argenti,

et auri primi et purissimi fructus ejus.

¹⁵Pretiosior est cunctis opibus,

et omnia quæ desiderantur huic non valent comparari.

¹⁶Longitudo dierum in dextera ejus,

et in sinistra illius divitiæ et gloria.

¹⁷Viæ ejus viæ pulchræ,

et omnes semitæ illius pacificæ.

¹⁸Lignum vitæ est his qui apprehenderint eam,

et qui tenuerit eam beatus.