¹⁹Spero autem in Domino Jesu, Timotheum me cito mittere ad vos: ut et ego bono animo sim, cognitis quæ circa vos sunt. ²⁰Neminem enim habeo tam unanimem, qui sincera affectione pro vobis sollicitus sit. ²¹Omnes enim quæ sua sunt quærunt, non quæ sunt Jesu Christi. ²²Experimentum autem ejus cognoscite, quia sicut patri filius, mecum servivit in Evangelio. ²³Hunc igitur spero me mittere ad vos, mox ut videro quæ circa me sunt. ²⁴Confido autem in Domino quoniam et ipse veniam ad vos cito. ²⁵Necessarium autem existimavi Epaphroditum fratrem, et cooperatorem, et commilitonem meum, vestrum autem apostolum, et ministrum necessitatis meæ, mittere ad vos:

Read in Logos

Public Domain