Obadiah 18–20

¹⁸Et erit domus Jacob ignis,

et domus Joseph flamma,

et domus Esau stipula:

et succendentur in eis, et devorabunt eos,

et non erunt reliquiæ domus Esau,

quia Dominus locutus est.

¹⁹Et hæreditabunt hi, qui ad austrum sunt, montem Esau,

et qui in campestribus, Philisthiim:

et possidebunt regionem Ephraim et regionem Samariæ,

et Benjamin possidebit Galaad.

²⁰Et transmigratio exercitus hujus filiorum Israël,

omnia loca Chananæorum usque ad Sareptam:

et transmigratio Jerusalem, quæ in Bosphoro est,

possidebit civitates austri.