Micah 7:17–20

¹⁷Lingent pulverem sicut serpentes;

velut reptilia terræ perturbabuntur in ædibus suis.

Dominum Deum nostrum formidabunt,

et timebunt te.

¹⁸Quis, Deus, similis tui,

qui aufers iniquitatem,

et transis peccatum reliquiarum hæreditatis tuæ?

Non immittet ultra furorem suum,

quoniam volens misericordiam est.

¹⁹Revertetur, et miserebitur nostri;

deponet iniquitates nostras,

et projiciet in profundum maris omnia peccata nostra.

²⁰Dabis veritatem Jacob,

misericordiam Abraham,

quæ jurasti patribus nostris a diebus antiquis.