Micah 3:2–4

²qui odio habetis bonum, et diligitis malum;

qui violenter tollitis pelles eorum desuper eis,

et carnem eorum desuper ossibus eorum;

³qui comederunt carnem populi mei,

et pellem eorum desuper excoriaverunt,

et ossa eorum confregerunt,

et conciderunt sicut in lebete,

et quasi carnem in medio ollæ?

⁴Tunc clamabunt ad Dominum, et non exaudiet eos,

et abscondet faciem suam ab eis in tempore illo,

sicut nequiter egerunt in adinventionibus suis.