²⁰Tunc accessit ad eum mater filiorum Zebedæi cum filiis suis, adorans et petens aliquid ab eo. ²¹Qui dixit ei: Quid vis? Ait illi: Dic ut sedeant hi duo filii mei, unus ad dexteram tuam, et unus ad sinistram in regno tuo. ²²Respondens autem Jesus, dixit: Nescitis quid petatis. Potestis bibere calicem, quem ego bibiturus sum? Dicunt ei: Possumus. ²³Ait illis: Calicem quidem meum bibetis: sedere autem ad dexteram meam vel sinistram non est meum dare vobis, sed quibus paratum est a Patre meo. ²⁴Et audientes decem, indignati sunt de duobus fratribus. ²⁵Jesus autem vocavit eos ad se, et ait: Scitis quia principes gentium dominantur eorum: et qui majores sunt, potestatem exercent in eos. ²⁶Non ita erit inter vos: sed quicumque voluerit inter vos major fieri, sit vester minister: ²⁷et qui voluerit inter vos primus esse, erit vester servus. ²⁸Sicut Filius hominis non venit ministrari, sed ministrare, et dare animam suam redemptionem pro multis.

Read in Logos

Matthew 20:28: “… even as the Son of Man came not to be served but to serve, and to give his life as a ransom for many.”

Public Domain