⁴⁹Ignem veni mittere in terram, et quid volo nisi ut accendatur? ⁵⁰Baptismo autem habeo baptizari: et quomodo coarctor usque dum perficiatur? ⁵¹Putatis quia pacem veni dare in terram? non, dico vobis, sed separationem: ⁵²erunt enim ex hoc quinque in domo una divisi, tres in duos, et duo in tres ⁵³dividentur: pater in filium, et filius in patrem suum, mater in filiam, et filia in matrem, socrus in nurum suam, et nurus in socrum suam.

⁵⁴Dicebat autem et ad turbas: Cum videritis nubem orientem ab occasu, statim dicitis: Nimbus venit: et ita fit. ⁵⁵Et cum austrum flantem, dicitis: Quia æstus erit: et fit. ⁵⁶Hypocritæ! faciem cæli et terræ nostis probare: hoc autem tempus quomodo non probatis? ⁵⁷quid autem et a vobis ipsis non judicatis quod justum est?

Read in Logos

Luke 12:51: “Do you think that I have come to give peace on earth? No, I tell you, but rather division.”

Public Domain