Job 6:15–20

¹⁵Fratres mei præterierunt me,

sicut torrens qui raptim transit in convallibus.

¹⁶Qui timent pruinam,

irruet super eos nix.

¹⁷Tempore quo fuerint dissipati, peribunt;

et ut incaluerit, solventur de loco suo.

¹⁸Involutæ sunt semitæ gressuum eorum;

ambulabunt in vacuum, et peribunt.

¹⁹Considerate semitas Thema, itinera Saba,

et expectate paulisper.

²⁰Confusi sunt, quia speravi:

venerunt quoque usque ad me, et pudore cooperti sunt.