Job 34:10–15

¹⁰Ideo, viri cordati, audite me:

absit a Deo impietas,

et ab Omnipotente iniquitas.

¹¹Opus enim hominis reddet ei,

et juxta vias singulorum restituet eis.

¹²Vere enim Deus non condemnabit frustra,

nec Omnipotens subvertet judicium.

¹³Quem constituit alium super terram?

aut quem posuit super orbem quem fabricatus est?

¹⁴Si direxerit ad eum cor suum,

spiritum illius et flatum ad se trahet.

¹⁵Deficiet omnis caro simul,

et homo in cinerem revertetur.