Job 23:2–7

²Nunc quoque in amaritudine est sermo meus,

et manus plagæ meæ aggravata est super gemitum meum.

³Quis mihi tribuat ut cognoscam et inveniam illum,

et veniam usque ad solium ejus?

⁴Ponam coram eo judicium,

et os meum replebo increpationibus:

⁵ut sciam verba quæ mihi respondeat,

et intelligam quid loquatur mihi.

⁶Nolo multa fortitudine contendat mecum,

nec magnitudinis suæ mole me premat.

⁷Proponat æquitatem contra me,

et perveniat ad victoriam judicium meum.