Isaiah 64:5–7

⁵Occurristi lætanti, et facienti justitiam;

in viis tuis recordabuntur tui.

Ecce tu iratus es, et peccavimus;

in ipsis fuimus semper, et salvabimur.

⁶Et facti sumus ut immundus omnes nos,

et quasi pannus menstruatæ universæ justitiæ nostræ;

et cecidimus quasi folium universi,

et iniquitates nostræ quasi ventus abstulerunt nos.

⁷Non est qui invocet nomen tuum;

qui consurgat, et teneat te.

Abscondisti faciem tuam a nobis,

et allisisti nos in manu iniquitatis nostræ.