Isaiah 47:9–12

⁹Venient tibi duo hæc

subito in die una,

sterilitas et viduitas:

universa venerunt super te,

propter multitudinem maleficiorum tuorum,

et propter duritiam incantatorum tuorum vehementem.

¹⁰Et fiduciam habuisti in malitia tua,

et dixisti: Non est qui videat me.

Sapientia tua et scientia tua,

hæc decepit te.

Et dixisti in corde tuo:

Ego sum, et præter me non est altera.

¹¹Veniet super te malum,

et nescies ortum ejus;

et irruet super te calamitas

quam non poteris expiare;

veniet super te repente miseria

quam nescies.

¹²Sta cum incantatoribus tuis

et cum multitudine maleficiorum tuorum,

in quibus laborasti ab adolescentia tua,

si forte quod prosit tibi,

aut si possis fieri fortior.