Isaiah 45:9–12

9 Væ qui contradicit fictori suo,

testa de samiis terræ!

Numquid dicet lutum figulo suo: Quid facis,

et opus tuum absque manibus est?

10 Væ qui dicit patri: Quid generas?

et mulieri: Quid parturis?

11 Hæc dicit Dominus,

Sanctus Israël, plastes ejus:

Ventura interrogate me;

super filios meos et super opus manuum mearum mandate mihi.

12 Ego feci terram,

et hominem super eam creavi ego:

manus meæ tetenderunt cælos,

et omni militiæ eorum mandavi.