Isaiah 37:24–27

²⁴In manu servorum tuorum exprobrasti Domino,

et dixisti: In multitudine quadrigarum mearum

ego ascendi altitudinem montium juga Libani;

et succidam excelsa cedrorum ejus,

et electas abietes illius,

et introibo altitudinem summitatis ejus,

saltum Carmeli ejus.

²⁵Ego fodi, et bibi aquam,

et exsiccavi vestigio pedis mei

omnes rivos aggerum.

²⁶Numquid non audisti quæ olim fecerim ei?

Ex diebus antiquis ego plasmavi illud;

et nunc adduxi,

et factum est in eradicationem collium compugnantium,

et civitatum munitarum.

²⁷Habitatores earum breviata manu

contremuerunt, et confusi sunt.

Facti sunt sicut fœnum agri,

et gramen pascuæ,

et herba tectorum,

quæ exaruit antequam maturesceret.