Isaiah 10:24–27

²⁴Propter hoc, hæc dicit Dominus Deus exercituum:

Noli timere, populus meus,

habitator Sion, ab Assur:

in virga percutiet te,

et baculum suum levabit super te,

in via Ægypti.

²⁵Adhuc enim paululum modicumque,

et consummabitur indignatio

et furor meus super scelus eorum.

²⁶Et suscitabit super eum Dominus exercituum flagellum,

juxta plagam Madian in petra Oreb:

et virgam suam super mare,

et levabit eam in via Ægypti.

²⁷Et erit in die illa:

auferetur onus ejus de humero tuo

et jugum ejus de collo tuo,

et computrescet jugum a facie olei.