Hosea 7:4–7

⁴Omnes adulterantes,

quasi clibanus succensus a coquente;

quievit paululum civitas a commistione fermenti,

donec fermentaretur totum.

⁵Dies regis nostri: cœperunt principes furere a vino;

extendit manum suam cum illusoribus.

⁶Quia applicuerunt quasi clibanum cor suum,

cum insidiaretur eis;

tota nocte dormivit coquens eos:

mane ipse succensus quasi ignis flammæ.

⁷Omnes calefacti sunt quasi clibanus,

et devoraverunt judices suos:

omnes reges eorum ceciderunt;

non est qui clamat in eis ad me.