Ezekiel 7:19–22

¹⁹Argentum eorum foras projicietur,

et aurum eorum in sterquilinium erit:

argentum eorum et aurum eorum

non valebit liberare eos in die furoris Domini:

animam suam non saturabunt,

et ventres eorum non implebuntur,

quia scandalum iniquitatis eorum factum est.

²⁰Et ornamentum monilium suorum in superbiam posuerunt,

et imagines abominationum suarum et simulacrorum fecerunt ex eo:

propter hoc dedi eis illud in immunditiam.

²¹Et dabo illud in manus alienorum ad diripiendum,

et impiis terræ in prædam,

et contaminabunt illud.

²²Et avertam faciem meam ab eis,

et violabunt arcanum meum:

et introibunt in illud emissarii,

et contaminabunt illud.